هذا ما حصل في القيروان خلال أسابيع قليلة ونداء عاجل لرئيس الجمهورية

 #القيروان  🚨🚨🚨

ماكتبته صفحات الجهة 👇


في بالكم اشنوة صاااار الشهر هذا في ولاية القيروان و معتمدياتها....


● في حفوز المرحوم نزار العيساوي ينتحر حرقا بالايسونس

● في حفوز تلميذ وقع طرده ...أبوه يصب الايسونس و زعمة لا حرق نفسه

● في معهد رقادة تلميذ 17 سنة يقتل روحو شنقا

● في عبيدة مرا تنتحر ترمي روحها في بئر مهجورة

● في عبيدة اليوم طفل 15 سنة ينتحر 

● في السبيخة تلميذ يطعن زميله داخل المعهد طعنات بسكين

● في السبيخة تلميذ يدخل للقسم و يخرج صاحبتو بالسيف تحت التهديد بسكين 

● في بوحجلة راجل يصب الايسونس على زوجتو و بنتو و يحرقهم الزوز و يسلم نفسه للأمن 

● في المنشية بنية تخرج من قدام دارهم يخطفوها و لتوا ما ثمة حتى خبر عليها

● في القيروان المدينة كهل يغتصب طفل عمره سبعة سنوات و يصب عليه الايسونس و زعمة لا حرقو لولا تدخل الأمن في آخر لحظة ...

● في القيروان المدينة زوز صعاليك يتبراكو مرا بزوز كلاب و بسكين و يفكولها ساكها و تليفونها ...خلوها تصيح و تعيط لين داخت ...


● السرقات وراء بعضها في العلاء ...مرة ...اثنين ...ثلاثة ...و يزيدو يكتبولهم ورقة امشي للحاكم تو يعملنا عملة...

نزيدكم يا عاااالم و الا نكتفي بهذا القدر .....


ارجعوا للتاريخ و تو تعرفو تاريخ القيروان....اللي نشوف فيه توا ....كل شي معمول بلعاني لتدمير القيروان و تاريخها ....موش هذه القيروان...القيروان أكبر من هذاااا كلو ...للأسف شيء يحزن


هل هذا الوضع ما يستدعيش توجيه نداء استغاثة إلى أعلى هرم الدولة التونسية....؟؟؟؟

الا تستوجب هذه الحالات تحميل المسؤوليات؟؟؟؟


و الا تستنو في سقوط ضحايا آخرين باش تفيقوااااا ؟؟؟؟

إرسال تعليق

أحدث أقدم

نموذج الاتصال