بكلمات مؤثرة يعلق رئيس بلدية الزهراء على قرار إعفاء معتمد مدينته

 لبارح في الليل تم إعفاء ماهر العلوي معتمد الزهراء من مهامو ..اذيكا المسؤولية ..ووانشاءالله الجاي خير .


حبيت نقلو لأنا فرحااان برشا و فخور برشا بالخدمة معاك ، مع بعضنا كنا ثنائي نخدمو في خدمة كبيرة مع بعضنا ،ماكانش معتمد اكهو في الزهراء ، كان صاحبنا و خونا و بلحق يضرب على مصالح المدينة ، على حساب عائلتو و صحتو ..


نجحنا في العمل مع بعضنا خاطر كنا ديما يد وحده ، و كلمة وحدة و نحينا على جنب المشاكل متاع السلطة المحلية و السلطة اللامحورية ..و على خاطر خدمنا كعائلة ..


انشاءالله نراك في حاجة ما أهم ..يمكن اليوم خرجت من المسؤولية أما راك في قلوبنا ساكن ..


يعطيك الصحة على الخدمة الكبيرة لخدمتها ، تونس راو ديما مستحقة ناس كيفك .


تحيا تونس


إرسال تعليق

أحدث أقدم

نموذج الاتصال