الدكتور ماهر العباسي يحمل اللجنة العلمية مسؤولية تأخر وصول اللقاح

 حمل الدكتور ماهر العباسي مسؤولية تأخر وصول تلقيح الوباء إلى تونس للجنة العلمية المكلفة بملف فيروس كورونا وكتب في تدوينته المثيرة للجدل ما يلي:

بهدوء وبالعقل : 


علاش لتوة ما جانا التلقيح ؟ 


حسب رأيي المتواضع زوز أسباب  : 


* السبب الرئيسي هو البيروقراطية المفرطة متاع اللجنة العلمية إلي عايشة في كوكب آخر وتتعامل مع تلقيح الكورونا كاينها تتعامل مع دواء جديد متع حب الشباب وإلا كريمة متاع تبييض الوجه وتطويل الشعر . يا لجنة يا شباب راو وباء عالمي عندو تداعيات مباشرة ويومية على حياة التوانسة وعلى إقتصاد البلاد . خرّج خشمك مالكتب وحل عينيك ... إنت خير مالإمارات ؟ تي برجولية هانا جرابة صافي ... إنت خير مالإمارات ؟ تي عندهم ثلاثة شهر يلقحو بالصيني .. خير مالمغرب إنت ؟ خير من روسيا ؟؟ إنت كتونس خير من روسيا ؟؟؟هوما بعثو إنسان في الفضاء عام 61  أحنا عام 2021 مازلنا نطيحو في ڤمّة ونموتو.... التفسير الوحيد هو أنكم خايفين من تحمل المسؤولية ... خايفين لا واحد يعمل مضاعفات مالتلقيح ويشكي بيكم ترصيلكم تبحثو ... وهوني أنا نفهمكم خاطر عايشين في دولة منهارة .... وكيما في جميع الميادين حتى حد ما يتجرّأ ياخو قرار .... نفس الشيء في الرخص ... نفس الشيء في المشاريع المعطلة ....دعها حتى تقع ... وتبكي أمّو وما تبكيش أمي ..... ولكن يا حبيبي علاش تنغصلنا حياتنا خاطرك خايف ... أخرج منو الموضوع وإستقيل وسيبونا نلقحو والا نتهردو 


* السبب الثاني هو إفلاسنا : ما عناش فلوسنا عالطاسة ..... إسرائيل شرات التلقيح بالدوبل متاع السوم .... وفلوسها عالطاسة .... سرباوها الأولى ..... أحنا جماعة يا كريم متاع الله عادي ما يحب يبيعلك حد .... as simple as that


===> شفتوهم الزوز أسباب هذومة .... راو موش كان في التلقيح ..... هذومة أسباب كل الخراب الي نعيشو فيه .... البيروقراطية وإنهيار الدولة والإفلاس ...... أيا بيزو أخرجو طالبو بالزيادات والترقيات النهار راح


#نحي_الرخصة


#نحي_الرخص_بمعنى_رخيص


إرسال تعليق

أحدث أقدم

نموذج الاتصال