الدكتور ماهر العباسي يعلن موعد انتهاء كابوس كورونا في تونس 🇹🇳

 في تدوينة كتب الدكتور ماهر العباسي عن تفاصيل علمية لحرب الدولة التونسية مع وباء كورونا وكيف كانت عملية ارتفاع العدوى وموعد انتهاء كابوس كورونا وهذا نص التدوينة من المصدر:

الكورونا والإفلاس 


ظهرلي الناس الكلّ فهمت اليوم أنو في بلادنا وفي أوروبا  فيروس الكورونا يفقد الشراسة متاعو في آخر الربيع والصيف  ويسترجعها في الخريف وخاصة في الشتاء .... حلان الحدود في الصيف خلا الفيروس ينتشر بكثافة من غير ما يعمل ضحايا ( حاجة تشبه للتلقيح الطبيعي) وهذا هو الشيء الوحيد الي يفسر علميا علاش بدات الأمور تنفرج في ديسمبر كيما قلت منذ أشهر عكس توقعات الغربان الناعقة من وراء البحار . 

اليوم وفي غياب دراسات محينة نتصوّر أنو بين 20 و 30% مالتوانسة تعداو بالفيروس وفمة مناعة تعملت خلات العدوى تتقلص السرعة متاعها ( تعدينا من معدل التحاليل الإيجابية في نوفمبر فوق 35% الى معدل تحت ال30% في ديسمبر ) وهذا رغم الإرتخاء الكبير في وسائل الحماية منذ ديسمبر وهذا مفهوم خاطر كيما قلتها مليون مرة مستحيل تشد شعب كيما شعبنا مخنوق بماسك  أكثر مالشهرين وحتى الناس الكبار بداو يرجعو يخرجو وكيف كيف هذا مفهوم خاطر باش تولي تبعات نفسية عليهم .


الحاصل .... من هوني لفيفري مارس نتصوّر باش نشهدو نزول بطيئ في عدد الوفايات والعدوى مع الإرتفاع في نسبة المناعة وكيف نعملو 2 ملاين تلقيح نكونو تقريبا وصلنا ل50% مناعة ووقتها باش ينتهي هذا الكابوس .... نتصوّر في شهر ماي ماعادش باش نحكيو عالكورونا بتاتا . 


السؤال : علاش حكومة الأيادي المكسورة ما تطلقش حملة عالمية إسمها تونس خالية من الكورونا في ماي ... تطلقها توة وتدعمها بدراسات علمية وتخاطب بيها الدول الي يبعثولنا السياح ونعملو lobbying  من توة باش الدول تصنفنا وجهة خضراء ونعملو موسم سياحي ممتاز ؟؟ فاش نستناو ؟؟ راو 2021 عام صعيب ياسر إقتصاديا .... علاش موش ماليوم نعملو حملة كبيرة عالسياحة في تونس في الصيف خاصة أنو توة في أوروبا برد وكساد ونفسية محطمة تحطلهم البحر والشمس والشيخات وصفر كورونا نعملو موسم سياحي ممتاز .... والا مازال بكري وانتوما زادة تستناو في اللحظة عندما تأتي ؟؟ سامحونا عالقلق عاد ....."

إرسال تعليق

أحدث أقدم

نموذج الاتصال